Header Row

[搞笑] 直擊3D肉蒲團女性專用場 記者不要走近

直擊肉蒲團「女性專用場」 港女無面見人 2011-04-18


[轉載/Youtube] 三個女人一個墟。上周五晚奉命直擊《3D肉蒲團》女性專用場開鑼,場內逾二百座位爆滿,言即,有幾十個墟圍住我!羨慕?有代價的!自問入行數年不靠嘩眾不賣八卦,用心當記者,那夜竟遭她們視作邪靈妖孽:拒絕訪問!以圍巾、爆穀遮面!無街訪無相,這篇稿凍過水。想起李漁寫《3D肉蒲團》講報應,莫非做錯甚麼,招來現眼報?

五大必睇場面!



■天殘和地缺幫未央生換陽具,蕭定一最愛這幕。


■極樂老人向寧王贈丹藥,結果令寧王將冬梅性虐至死。


■未央生傷口長出蛆蟲,令他痛不欲生,必須刮去爛肉才可。


■寧王命士兵將鐵玉香坐在鐵蓮花上加以折磨。
港女敢睇唔敢認
問自己錯在哪裏,招來報應?應該是天真以為《3D肉蒲團》咁爆,做街訪易過借火,實情是比林峯阻止潘霜霜流出慾照還要難!開畫當天傍晚六時,一直站在銅鑼灣時代廣場UA戲院追尋目標,一個兩個三個,不是說趕時間,就是說沒興趣;更慘烈的一次,是眼見兩名師奶明明拿着附有警告字句的戲票興高采烈,我上前表明身份,師奶甲問:「有咩事呢?」表明來意,師奶乙已面露尷尬笑容,強行將甲拉走湮沒於人群,又泡湯。我錯在沒有好好警告自己香港人對性保守、對鏡頭極端抗拒。
上周五(15/4)是女性專用場,晚上接近十時,又跟攝影師來到同一間UA時代廣場戲院,從扶手電梯走入大堂,嘩!除了票務員和戲院經理,放眼望去都是港女,而且年齡層非常闊,由後生女到熟女甚至中年婦人都有,她們三五成群吱吱喳喳,令大堂升溫。如此大好時機,為交差拿起DV、相機起勢拍,直擊場內情況!但每當鏡頭所到之處,港女們都極速將興奮收起:圍巾、黑超(或立體眼鏡)、手袋、紙袋、雙手甚至食物,總之能夠局部或全部遮臉的都會派上用場。

蕭定一:網民建議女性場
「你最好就搵女記者去採訪,或者完場之後先出現,因為佢哋買得呢啲飛就唔係咁想見到記者!」「女性專用場」的幕後搞手——監製蕭定一,一早已經提醒我。言歸正傳,原來當初決定搞「女性專用場」,源於網友建議,阿一說:「我見到好多人話佢哋成班女仔去睇,如果隔籬有個男仔好似好尷尬,問我會唔會有可能整一場淨係專畀女仔睇o架?」阿一覺得意念有趣,便積極籌備,但期間遇到戲院阻力。「佢哋驚有男性會投訴歧視,我覺得唔會呀,如果係嘅佢哋睇正常場次都得啫,我覺得既然日本地鐵都有女性專用車廂,點解唔可以有女性專用場次呢?佢哋(戲院)就保守啲,我就大膽啲!」
勇字行頭,就要承擔風險,阿一必須要包辦一定數量的戲票,令戲院封蝕本門,更要聘請保安,以防有男觀眾強行闖入。結果蝕本之門根本無出現,「女性專用場」售票反應非常理想。據UA院線的資料顯示,兩場門票在電影開畫前一天(13/4)已告爆滿,並由明天開始至25/4加開7場專場,讓廣大香港女性夜晚放工後與一眾姊妹堂堂正正的走入戲院睇葉山豪「曳曳」,一嘗3D三級初體驗。

http://hkm.appledaily.com/Home/ShowArticleFromActionNews/bc8b72f7-b308-427f-8b1b-082fa85f68ad

0 comments:

電影

Popular Posts