[娛樂] B女唔做TB 拍拖瞞范姜

馮仁昭四圍超：澄清冇嬲章小蕙　B女拍拖瞞范姜 - 馮仁昭 2011-04-18


[轉載/Youtube] 鍾鎮濤（阿B）現任女友范姜素貞，之前同章小蕙嘅胞妹章小婉發生爭執，章小婉嘅手提電話聲稱俾人整爛，結果范姜涉刑毀被捕，目前保釋候查。噚日范姜帶同小B女鍾懿同鍾嘉晴到將軍澳出席雜誌活動，鍾懿擔任「Cover Kid大使」上台唱歌表演，大唱《閃閃星辰》，有板有眼，嘉晴就喺台下幫妹妹打氣。
雖然有官司喺身，但冇影響范姜心情，對事件亦隻字不提。之前因為嘉晴突然剪咗一頭短髮，結果傳佢變咗tom boy，嘉晴話因為咁唔開心，范姜解釋：「佢想方便游水同潛水先剪短頭髮，估唔到會俾人話。」嘉晴就話：「所以我會留番長頭髮。」家16歲嘅嘉晴仲話冇拍拖，佢有啲怕醜咁話：「爹哋唔畀，會過咗18歲先諗。」

爆哥哥有靚女友
提到嘉晴自爆有7年冇見過生母章小蕙，佢話冇嬲過媽咪，加上范姜對自己好好，所以冇唔開心，嘉晴仲講：「我同佢（指范姜）好似朋友，但如果我拍拖就唔會話佢知。」佢仲爆哥哥嘉浚拍拖，女朋友仲幾靚女。