YouTubeHK 精選影片 04: [表演] 胖小子跳甩肥肉舞出成就

肥仔跳芭蕾　變荷里活咖喱啡( 2011-03-23 )

[轉載/Youtube] 重逾184磅，被同學笑做「肥邢」；跟女仔一同學跳芭蕾舞，半年間減去40磅肥肉。21歲的邢灝，現在是擁有六嚿腹肌的大隻仔。父母送他留學，他卻不惜做逆子，私自報讀演藝學院，學有所成在舞台凌空躍起，終贏得母親欣賞。

放棄留學入讀演藝
染了金髮的邢灝現於演藝學院讀一年級，是今年賽馬會獎學金29名得主之一，若能保持優異成績，在學期間可獲多至29萬元獎學金。中一時當上學校舞台劇男主角，令邢灝情傾舞台。07年底《蝙蝠俠──黑夜之神》來港取景，他客串遊客，「係咖喱啡，都見到我兩秒」。兩秒鐘，卻是改變肥邢人生的關鍵時刻。
「12歲時，體重有成184磅。」超磅令他被同學孤立。父母雙職養家，安排他跟姊姊一同學跳芭蕾舞。半推半就下他尷尬地學了半年，後來轉學爵士舞和hip hop舞，得着是減掉40磅肥肉。
阿灝家境不俗，小四轉到德瑞國際學校就讀，高中選科時，他竟說要讀話劇，嚇了父母一跳，最後仍順從父母建議修讀數理科目。08年準備升大學時，又提出要留港報讀演藝學院，這次把父母惹怒，「佢哋想我讀醫、法律、設計或者建築」。
從此他與父母關係轉差。09年初往澳洲升大學，但他死心不息，「打電話話想返嚟讀演藝，媽咪就cut我線，連我把聲都唔想聽」。他不死心，擅自報演藝，又一邊在快餐店兼職，賺錢買機票回港，「返嚟後話畀佢哋知入咗演藝，佢哋『唉』咗一聲」。
同年9月他入讀演藝基礎文憑課程，半年後他在學校演出五場歌舞劇《我要高飛》，父母來看了三場。最後一場謝幕後，母親眼濕濕對他說的一番話，他至今難忘，「佢話：對唔住，阿仔，我知道你係好辛苦，我會繼續支持你演出，繼續喺舞台上發光，我好開心，以為你榮」。
科大環球商業管理課程一年級學生鄭欣傑，是另一得獎學生，他立志日後從商賺錢，然後學微軟前中華區總監John Wood般成立慈善機構助人脫貧，「慈善家同剝削家，分別只係人格」。來自西安的賀哲曦，08年在西安感受到512汶川地震威力，遂決定報讀中文大學醫科，日後跟父親一樣懸壺濟世，他是本屆8名得獎在港內地生之一。