[時事] 神童沈詩鈞 13歲讀完碩士

神童沈詩鈞 13歲讀完碩士( 2011-04-08 )


[轉載/Youtube]神童沈詩鈞再創神話。四年前浸大收佢讀數學學士及碩士課程，原定五年完成，以前喺浸大教佢嘅新任考評局秘書長唐創時噚日爆料，話神童讀埋今個學年就可以畢業，提早一年畢業，「因為佢夠勤力」。
沈爸爸噚日話，神童已完成畢業論文，7月接受質詢，不過浸大要佢明年先可以正式畢業做碩士，餘下一年時間，神童應邀到美國做大學「訪問學人」，詳情8月公佈。神童現年13歲，同啲哥哥姐姐有傾有講，冇溝通問題。沈爸爸話佢開始發育變聲，長高咗體形又變得橫咗，有啲似喺牛津大學讀博士嘅神童哥哥沈怡謀。
講返唐創時教授，佢今個月先上任，明年中學文憑試成敗靠佢。新高中學生人人怕做白老鼠，不過佢大女後年都考中學文憑試，做次年白老鼠。

YouTubeHK 精選影片 www.youtubehkvideo.com [主頁] [最新影片]