林敏驄近日替亞視主持節目《至醒至勁四方城》，早前卻遭拍檔、亞視新人譚杏藍和陳綺雯指抽水，三人前日同場錄影，阿驄當正兩女透明。張文慈（Pinky）則重返娘家錄影，力撐阿驄的節目，平日最愛玩嘉賓的阿驄，前晚收斂變好好先生派貼士，Pinky不但沒被抽水，反而受惠獲過關，她昨日在微博自嘲：「好衰o架！又話驄哥鍾意撩女仔？佢都唔撩我！我不夠靚？嗚嗚！我真失敗了。」
Pinky昨日在電話中續說：「個遊戲好好玩，我一向以為自己係『雀癡』，打麻雀好勁，但點知係白癡，老貓燒鬚計錯番，可能呢排疏於練習。」至於被阿驄寸爆的譚杏藍前晚在微博上載chok樣照，並留言：「我……好開心！正能量包圍着我！」
高炒胸林敏聰 否認叮走( 2011-04-09 )
被指抽水 林敏聰發難要換女( 2011-04-07 )
[轉載/Youtube] 林敏驄年初開始替亞視主持節目《智醒智勁四方城》，不少女嘉賓詐型被抽水，連周秀娜也被阿驄箍實纖腰。伴住阿驄主持節目的亞視新人譚杏藍（小花）早前在微博呻被阿驄欺負，有指她當時衝出影廠喊，阿驄昨對此無明火起向亞視要求換拍檔。要求換拍檔
小花指曾被阿驄用手機高炒影胸，她2月時在微博說：「我以前唔出聲，因為我凡事以和為貴，又怕事！但今次EQ幾高，我都忍你唔到！我都有阿媽生o架！」有指另一女主持陳綺雯都是受害者，有指阿驄趁她坐低影髀罅。據悉為杜絕事件發生，亞視有意叮走阿驄。
阿驄昨在電話鬧爆說：「完全冇呢件事，係咪有人想博宣傳，借我上位搵錯人喇，搵林峯啦。我放得上微博啲相完全冇問題，唔好屈我，我都可以話畀阿媽聽。」他又說：「我啲朋友同王征好熟，亞視叮走我冇所謂，我唔恨做，反正佢哋畀晒錢我。」阿驄又彈小花和陳綺雯表現差：「我9號會再錄影，亞視一係換我，一係換佢哋，我唔想節目有啲搞事嘅人喺度。」
YouTubeHK 精選影片 www.youtubehkvideo.com [主頁] [最新影片]
0 comments:
Post a Comment