[轉載/Youtube] 賀新公司開張 千嬅夫妻檔行騷Chok爆楊千嬅老公丁子高開公關公司，前晚在家鄉上海的頭炮活動，夫妻檔上陣行騷，丁家舉家在台下撐場。千嬅deep V力撐，丁子高則自爆學了幾招chok樣。
丁子高（Real）以自己和楊千嬅的英文名開設公關公司，前晚為鞋履品牌Le Saunda在上海舉行2011春夏鞋騷，丁子高和千嬅首次夫妻檔行騷，壓軸出場。千嬅穿上黑色deep V上衣，和老公在台上晒恩愛，看到台下的丁子高父母和家姐等津津有味。
子高認曾戀丁小芹
Real透露緊張到手心冒汗，他說：「行之前都有喺酒店試吓擺位，學咗幾招chok樣。」問兩人首次同台，千嬅酬金可會特別和味？他直認不諱：「係平時嘅三倍，今次我係冇錢，冇artist fee，畀晒老婆，所以佢收多啲。」
台灣女星丁小芹大數他拍拖時孤寒，丁子高說：「首先，丁小姐係我喺台灣時，係拍過拖，但佢講過啲乜，我唔會回應。」他否認有水晶球失竊事件，提到丁小芹似乎沒指名道姓，Real說：「我自己對號入座，講得係有少少誇張。」他指有將過去的情史和太太講。
千嬅撐老公夠爽快
千嬅發現新聞稿寫老公「俊朗」，狂笑不止說：「嚇到我鼻水都流埋，佢乜都夠膽，喪喪哋。」對老公被前度數孤寒，她力撐說：「我識佢嗰日都唔孤寒，好爽快！」她自言不會追問老公和舊愛的事，她說：「唔會問，佢多啲前度，經驗先多，同我相處先相處到，識得睇眉頭眼額。如果同我嘅係初戀，好麻煩，我就暈囉！」
千嬅又祝福舊愛鄭中基，提到中基比她更快有仔女，千嬅說：「男人容易控制（生仔）啲，女人就煩，有仔女係福氣，要好好珍惜，恭喜佢。」
0 comments:
Post a Comment