[轉載/Youtube] 隔牆有耳：教人由攣變直 明光社被同志踩場聽日係「國際不再恐同日」，紀念世衞於 90年同一日將同性戀剔出精神病名單。爭取同志權益嘅 Tommy仔噚日帶領一眾同志鬥士，直踩「死對頭」明光社新會址抗議。原因係人稱「道德塔利班」嘅明光社開咗個青少年性教育課程，請咗位精神科醫生教人由攣變直。
互指對方有人非禮
Tommy仔噚日帶住一個有「奠」字嘅送殯花牌，直踩明光社所在嘅荔枝角商廈大堂，保安見狀阻止佢哋搭上樓，雙方你推我撞，擾攘 15分鐘，同志們成功突圍。上到明光社門口，佢哋高呼「光明結業，不再恐同」，之後想衝入去演講室，喺玻璃門同明光社職員發生衝突。 Tommy仔等人最後入到演講室，用大聲公高呼口號。明光社總幹事蔡志森隨即現身，斥責佢哋擅闖私人地方，又叫保安報警。
有份抗議嘅 Connie事後話，喺「奪門」過程中被明光社男職員拍到胸部，保留追究權利。蔡志森反指佢哋一名女同事嘅腳部喺過程中被門夾到好痛，又指 Tommy仔出手搬開嗰位女同事嘅腳，蔡志森形容呢個係「粗暴行為，嚴格嚟講，同事可以告佢非禮」。
李八方
0 comments:
Post a Comment