霜峯慾片流出 樂易玲：唔信 2011-04-17
[轉載/Youtube] 樂易玲唔信林峯慾片流出馬德鐘太太張筱蘭之前在微博狂轟無綫刻薄，她前晚和老公到尖沙嘴出席仁愛堂晚宴，但甫見記者即閃入場，被馬太稱為樂大媽的樂易玲當晚也是座上客。問馬德鐘與樂大媽見面會否尷尬，他堅稱：「我哋成日見，噚日先見完，我哋冇不和呀。」但老婆和樂易玲同場會否尷尬？他表示當日樂小姐曾主動致電問候他的老婆，兩人全無芥蒂。
至於續約進展，馬德鐘表示跟無綫仍傾談中，經老婆炮轟後條件有否改善？他說：「未傾到條件，老婆冇畀意見，公司唔係唔人道，一直改善緊。」昨日馬德鐘在微博貼上自己跟老婆和樂易玲的合照，表現老友。
「男仔應該收聲」
此外，樂易玲前晚走兩場，之後到圓方出席《森美海底歷險》首映，談到仍受床照事件困擾的林峯，她說：「佢嗰日係志偉拍一拍佢，先會喊。」會否建議林峯接觸潘霜霜停止事件？她說：「佢咁大個仔，識自己處理，呢啲私事，男仔應該收聲，佢自己都話甘心接受。」樂易玲表示不相信還有慾片會流出。同場的陳法蓉談到快臨盆的好友蔡少芬，她說：「鑼咁大個肚，佢家皮膚好好，成日想瞓囉。」她謂好友們結義七姊妹，她排第六，蔡排第七，陳法蓉說：「BB叫我六阿姨，唔使上契。」
0 comments:
Post a Comment