[轉載/Youtube] 由Paco監製、錢國偉（Wilson）執導的新片《戀夏‧戀夏‧戀戀下》日前終於煞科，雖然片中動用大量新演員，連導演也是首次執導，但眾人憑着對電影的熱誠，眾志成城下，電影在預計時間內完成。 楊梓瑤：「好開心，日日同好多靚女一齊開工，個個來自五湖四海，感覺好得意，聽好多拍過電影的工作人員講，都話拍戲咁耐以，呢套戲係最開心一次，因為未試過同咁多靚女一齊開工。同埋我個角色好八婆，從來無諗過自己可以演得咁乞人憎」。
敖犬做宅男
有留意新聞的讀者都知道，敖犬為這部電影犧牲很大，天生帥哥的他，為了演好戲中宅男的角色，由朝到晚也要戴冬菇型假髮，說話也要結結巴巴，我在旁看也替他感到辛苦。
敖犬：「我好感激Paco哥，多謝你想到我，第一次跟你合作，一直怕表現不好，所以對每個鏡頭都好重視，加上要說廣東話，所以一開始好緊張，幸好得Carol及Elanne的幫忙，她們教我說兜風耳及男人婆，這兩句是戲中重要的對白啊。由於我平常很活潑，一點也不宅，亦很愛耍帥，所以在戲中要Chok樣，又要扮宅，真的很困難，但也是一大挑戰。」
江若琳甘演醜角
江若琳拍戲經驗豐富亦相當忙碌，所以很多謝她這次肯抽空幫忙，由於戲中大部份女星皆要穿水，已是師姐級的她會否有點抗拒？
江若琳：「我無抗拒，但第一件事梗係問我使唔使泳衣啦，唔使就放心，其實導演話我都唔會有人睇到我，戲中太多靚女，個個魔鬼身材，天使面孔。其實我拍得好開心，多謝Paco同Wilson今次用我，老實講，我拍咁多次戲，呢次實係最開心一次，因為難得演醜角，可以搞笑，我自問自己有喜劇細胞。」
二女爭敖犬
江若琳、敖犬及楊梓瑤在電影中首次合作，三人對這次合作各有話說，而對首次執導的Wilson更是有讚無彈。
江若琳：「一開始知道同敖犬合作，已有預感會同佢好有火花，除了因為新鮮感外，事實我跟他在戲中的造型都好突破，因為他演一個宅男，佢真係演得好好，有一場戲，我要打佢，為逼真，佢叫我大力打，打完佢塊面爆微絲血管，希望佢Fans唔好怪我。同Wilson拍戲好舒服，佢好有耐性，每一個位都教得我好仔細，同埋每次拍落水戲，佢都係第一個跳落水先，試好晒先叫我埋位，好落力。」
楊梓瑤：「敖犬真係好專業，個假髮又熱又焗，佢由朝戴到晚，到完晒成日戲份，返到酒店先至除，佢話：『冇關係啦！』。Wilson好好，唔會催我，好有耐性，佢都唔似第一次做導演，好有經驗呀佢。」
敖犬：「我好多謝導演，雖然佢係第一次執導，但表現好稱職，也不會很惡的對演員，不會罵人，又會教我們做戲，雖然佢是第一次，但很懂得拍電影的方法，今次合作真的很開心。」
主持：黃柏高
統籌：林永匡
協力：廖思慧、袁東亮
0 comments:
Post a Comment