[時事] 集體仆街 仆到去澳門

起義！澳門人「集體仆街」抗電訊霸權 2011.05.18


[轉載/Youtube] 仆街，竟然成為一種抗議方式。噚日係世界電信和信息社會日，澳門網民發起「5.17全城一齊仆」活動，抗議澳門電訊上網速度慢到冇朋友，但係收費又貴到嘔。可能實在有太多人不滿電訊公司，噚日響應仆街者眾，有幾十人去到議事亭前地仆街，連埋圍觀者，有數以百人聚集，場面頗為壯觀（圖）。
澳門小城向來和諧，咁多人仆街，官員都要解畫，話尊重市民理性同安全地示威，又指澳門電訊市場明年就會開放，逐步引入競爭後，相信可以令電訊服務更多元化、價格更合理。不過網民對於呢啲官話唔多信，質疑所謂引入競爭，只係寡頭壟斷代名詞，揚言以後會繼續抗爭，對抗電訊霸權。澳門旅遊局以「感受澳門」做宣傳口號，有機會，八方都要去感受吓呢種仆街文化。