[娛樂] 羽翹寫歌開竅求其更驚喜

羽翹 銅情深MV


[轉載/Youtube] Youtube美容女王羽翹早前推出新歌，邀得近期填詞界新貴小克出手。向來喜歡自己寫歌的她，過往一直依着個人喜好創作，不過自從新歌反應理想，終令她開竅：「娛樂就應該要受大眾認同。」

羽翹早前推出新歌《銅情深》，邀得本地多媒體創作人小克填詞，她大讚對方充滿豐富想像力及創作力：「我真係好鍾意佢畫嘅『聾貓』漫畫，所以就邀請佢幫我首歌填詞，佢寫咗個六、七十年代喺銅鑼灣發生嘅愛情故事，有成二十個地方名，我自己又成日行銅鑼灣，所以收到份詞嗰刻，真係覺得好感動又驚喜。」

無心插柳
羽翹認為創作人的堅持很重要，不會因應外在因素改變：「我成日覺得做創作歌手，未必要知道個市場走勢係點、依家大眾嘅口味，以前嘅歌都係自己鍾意嘅風格，不過公司同宣傳人員都覺得我應該貼近大眾啲、K歌啲，當時我覺得，你哋要我寫K啲就K啲啦，所以今次《銅情深》我係喺好冇心機、好死板嘅心情之下寫，即使經過監製修改同小克填詞之後，我都諗住外面嘅反應『都係咁啦』。」

豈料這首歌的反應比她預期的好，令羽翹突然開竅：「我明白娛樂都係想畀人歡笑，如果太藝術家脾氣就會生存唔到，依家老闆同觀眾鍾意首歌，對我嚟講先係最重要。」