[娛樂] 男友李永豪爆思琦姐楊思琦就快嫁

男友爆思琦姐就快嫁


[轉載/Youtube] 賀永豪生日　思琦烚烚吓預演擺酒
噚日係楊思琦嘅細孖男朋友李永豪31歲生日，前晚佢哋約咗一班朋友去九龍城一間海鮮酒家打邊爐慶祝，有傳思琦年尾結婚，莫非今次打邊爐係預演擺酒？
前晚大概八點幾，思琦同男友就現身酒家，永豪爸爸鼎爺李家鼎都有出現。一行十幾人食咗兩個鐘火鍋後，到夜晚十點半左右，思琦、永豪同鼎爺先行離開去攞車。鼎爺自己揸車先走，思琦就揸自己嘅七人車同永豪去附近嘅一個商場同朋友唱K。

否認再置業
思琦泊好車後，記者上前同佢哋做訪問，永豪話收咗好多朋友送嘅禮物，但就笑笑口話唔方便講女友送咗乜。至於近日有傳思琦再次置業，佢就否認話：「係我阿哥同媽咪買啫。」不過對於有傳思琦同永豪好事近，會趕喺年尾結婚，佢哋就只係笑得好甜咁話遲啲會公佈喎。